Од болж бусдад танигдаж чадаагүй жүжигчин 26 настай Han Chae Won амиа хорлож нас барсан тухай саяхан нийтэд мэдээлэгдлээ. Тэрээр өнгөрсөн 08.25- ны  өдөр Сөүл, Содэмүн дэхь гэртээ хоолойгоо боож нас барсныг 1 сарын дараа  ар гэрийнхэн нь мэджээ. Жүжигчин мэргэжилтэй , 2002 оны Мисс Кангван аймгийн 3 дугаар байрны шагналт тэрээр  2003 онд   MBC тв  "NON STOP " өдөр тутмын драманд оролцож байснаас өөр зурагтаар гарах боломж олж чадаагүй. 2010  онд дуучин болж альбом гаргасан ч телевизийн эфирээр нэг ч удаа дуулж чадаагүй. 2007  онд  хагас нүцгэнээр зургаа авахуулаад ч түүний зургийг мөнгө төлж үзэх хүмүүс цөөхөн байсан гэдэг. Тэрээр олны анхаарал татаж од болохын тулд өөрийн нэрээ  3 ч удаа сольж байсан ажээ.

Хэрвээ би од болоод  мөнгөтэй болвол л бүх юм болно, даанч одоо залхаж байна. Наян сая өгвөл телевизийн шоунд оролцох боломж олгоно гэдэг санал хүртэл авч үзлээ . Бүх юм хуурамч , одоо уйлж ханасан  гэх зэргээр  захиа бичээд үлдээсэн тэрээр  2007 оноос хойш стресст орж эм уудаг байсан  юм байна.