Жүжигчин Song Hye Kyo Хятадын кино урлагт хөл тавьжээ. Тэрбээр "The Grandmaster” гэх хятад киноны гол дүрийг бүтээж буй тухай "Синьхуа” агентлаг мэдээлэв. Song Hye Kyo 1930-аад оны үеийн Хятадын тулааны урлагийн домог болсон мастер Ил Маний эхнэрийн дүрийг бүтээсэн байна.

Song Hye Kyo ийнхүү анх удаа хятад кинонд тоглож байгаа бөгөөд Энэ тухай тэрбээр албан ёсны цахим хуудсандаа "Энэ кинонд тоглосноор надад Хятадын ард түмний соел, уламжлал, зан заншлыг судлах боломж олдсон. Мөн хамгийн их таалагдсан зүйл нь хятад эмэгтэйн үндэсний хувцас. Эмэгтэй хүний гоо үзэсгэлэнг төгс харуулж байгаа мэт надад санагдсан” хэмээн бичжээ.

Тус кинонд Song Hye Kyo-той хамтран Хонгконгийн Нэрт жүжигчин Тони Люн Чиу Вай тулааны их мастер Ил Маний дүрд тоглож байгаа аж. Харин киноны найруулагчаар Ван Карвай ажиллаж байгаа гэнэ.

"The Grandmaster” кино ирэх оны нэгдүгээр сарын 8-нд нээлтээ хийхээр төлөвлөөд байна.
Êàòåãîðèÿ: Мэдээ мэдээлэл | Äîáàâèë: GoKpop (2012-12-26) Ïðîñìîòðîâ: 948 | Êîììåíòàðèè: 1 | Ðåéòèíã: 5.0/2