Солонгос улсын сайхан бүсгүйн төлөөх Мисс Кореа тэмцээний өрсөлдөгч бүсгүйчүүдийн царай хоорондоо эгч дүүс мэт адилхан болжээ гэсэн мэдээг саяхнаас эхлэн Англи, Америкийн хэвлэлүүд мэдээлж эхэллээ. Сүүлийн 3 жилийн Мисс Кореа тэмцээний эхний 5 байрны  эздийн нүүрний  хэлбэр, царай үнэхээр хоорондоо адилхан болж байгааг , тэд нүүрний хэлбэр өөрчлөх гоо сайхны мэс засал хийлгэсэнд байна хэмээн тодорхойлжээ. Тухайлбал эрүүгээ багасгах, нүднийхээ хэлбэрийг өөрчлөн 2 тийш нь томсгох  , хацрынхаа ясыг багасган хамраа өндөрлөсөн нь бүгд хоорондоо адилхан болгож харагдуулж байна гэжээ.  Солонгос улс гоо сайхны мэс заслын тоогоороо дэлхийт тэргүүлж байгаа бөгөөд 19∼49 насны бүх эмэгтэйчүүдийн 20% нь гоо сайхны томоохон мэс засал хийлгэсэн байдаг гэсэн  судалгааны хариутай байдаг байна. Одоогоор орон нутаг болгон ирэх 12 сард болох Мисс Кореа тэмцээнд оролцох сайхан бүсгүйчүүдээ тодруулж байгаа ба өчигдөр орой Мисс Сеүл тэмцээн болж өндөрлөжээ. Уг тэмцээнд жүжигчин мэргэжилтэй Гуаг Хён А хэмээх бүсгүй түрүүлсэнд олон үзэгчид дургүйцлээ илэрхийлсээр байгаа бөгөөд Мисс болсон бүсгүй тэмцээнд оролцохоосоо өмнө MBC телевизийн олон ангит кинонд туслах дүр бүтээн олонд танигдсан хэмээн шүүмжлүүлж байгаа юм байна.

---

Êàòåãîðèÿ: Мэдээ мэдээлэл | Äîáàâèë: GoKpop (2013-04-27) Ïðîñìîòðîâ: 1267 | Ðåéòèíã: 5.0/1