Жинхэнэ нэр: Kwon Bo Ah
Тазны нэр: BOA (BEAT OF ANGEL)
Төрсөн өдөр: 1986 оны 11-р сарын 5
Өндөр: 160см
Мэддэг Хэл: Япон, Англи
Гэр бүл: аав, ээж, ах, эгч
Дуртай өнгө: хар, цагаан, алтан шар, саарал, бор
Таалагддаг залуу: Өндөр ч биш намхан ч биш, ухаалаг, хариуцлагтай залуу

---

Дуучин Boa-г анх алдар нэрд хүрхэд SM энтертайнментийн гүйцэтгэсэн үүрэг том боловч түүний төрөлхийн бурханаас заяасан авьяас, шантрашгүй хөдөлмөрч зангийн үр дүнд одоогийн томоохон байр суурь ирсэн гэж хэлэхэд болно. Түүний авьяас чадварыг анх ах нь олж харсан бөгөөд SM  энтертайментэд очиж шалгуулахыг зөвлөснөөр уран бүтээлийн зам нь нээгдсэн юм. Boa Өмнөд Солонгост хамгийн залуудаа буюу 14 настайдаа анх карьераа эхэлсэн бөгөөд анхны уран бүтээлээсээ л хүмүүст таалагдаж эхэлжээ. Улмаар 2000 онд анхны цомог болох Peace-B-г гаргаж олон сайхан дуу нь үзэгч сонсогчдын сэтгэлд хүрч хит болж чадсан юм.


Түүнчлэн гадаад хэлийг чадварлаг эзэмшсэн нь түүнд бусад оронд өөрийн уран бүтээлийг хүргэхэд ихээхэн том дэмжлэг болсон гэдэг. 2011 оноос Японд өөрийн карьераа эхлүүлж Amazing kiss, Kimochi wa tsutawaru8, Listen to my heart зэрэг дуунуудаа гаргаж эдгээр нь Японы томоохон хөгжмийн чарт болох Oricon'-нд шилдэг 5-т багтан түүнийг ШИЛДЭГ гэдгийг баталлаа.


Бага наснаасаа урлагт зүтгэсэн түүний хөдөлмөрч зангийн үр дүн бодитоор мэдрэгдэж дуу хөгжмийн чартуудад түүний дуунууд тэргүүлж түүний тухай мэдэхгүй япон, солонгос хүн байхгүй болж цаашлаад Азид өөрийн томоохон орон зайг бий болгож чадсан дуучин бүжигчин болжээ.
Япон хэл дээр гарсан түүний 2 дахь цомог Valenti нь 1249000 хувь борлуулагдаж Япон дахь анхны тоглолтоо ч энэ цомгийнхоо нэрээр нэрлэж байжээ.


2004 он түүний хувьд эрс шинэчлэлтийн жил байлаа. Учир нь тэрээр нас биед хүрч өөрийн гадаад төрхөндөө илүү эмэгтэйлэг дүр төрхийг гаргаж ирсэн юм. Өөрийн төрөлх хэл дээрээ гаргасан My Name цомог нь үүнийг баталгаажуулж олон залуучуудын харц түүний зүг чиглэж эхлэв. Тэрээр солонгос хэл дээр нийт 6 цомог япон хэл дээр 4, англи хэл дээр нийт 2 цомог гаргаад байгаа юм.

Мөн Boa нь Америкд байх хугацаандаа алдарт дуучин Britney Spears, Avril Lavigne, Westlife8 Flo Rida гэх мэт алдарнуудтай хамтарч уран бүтээл хийсэн байна.

Хэдийгээр тэрээр олны танил дэлхийн хэмжээний од ч гэсэн бидний нэгэн адил энгийн нэг хувь хүн гэдгийг нь мартаж болохгүй ээ. 14 наснаасаа өндөр хариуцлгаын доор ажиллаж ирсэн тэрээр айлын бага охин. Багаасаа урлагт хөл тавьсан учраас олон олон аялан тоглол, Япон дахь өөрийн карьер зэрэг ажлуудаар удаан хугацаагаар бие даан амьдарч ирсэн тэрээр урлагт зүтгээд нэгэнт 12 жилийн хугацааг үджээ. Тэрээр одоог хүртэл ганц бие бүсгүй хэвээр байгаа. Баттай эх сурвалжийн мэдээлснээр, DBSK хамтлагийн Micky-тэй үерхэж байсан гэсэн мэдээлэл байдаг ч Boa телевизийн нэгэн нэвтрүүлэгт оролцохдоо зүгээр л сайн найзууд гэж хэлснээр энэхүү мэдээ дарагдсан юм.

Тэрээр хамгийн сүүлд Only one дуугаа гаргаж өөрийгөө К-поп-ийн Хатан хаан гэдэгээ дахин баталсан.

Энгийн хэрнээ эрхэмсэг бүсгүй гэж түүнийг л хэлэх байх. За тэгээд дуучин хүн гэж ер нь ямар байх ёстойг жинхэнэ утгаар нь харуулсан KPOP урлагийн хатан хаан бүсгүй Солонгосын урлагийн түүхэнд тодоор тэмдэглэгдэж үлдэх нь тодорхой юм.

Êàòåãîðèÿ: Танилцуулга | Äîáàâèë: GoKpop (2012-08-14) Ïðîñìîòðîâ: 2324 | Êîììåíòàðèè: 3 | Ðåéòèíã: 3.7/3