"Gangnam Style” дуугаараа дэлхий нийтийн байлдан дагуулсан рэппер дуучин Psy дахин тэсрэлт хийлээ. Түүний шинээр гаргасан сингл болох "Gentleman” дууны клипийг YouTube цахим хуудсаар дөрөвхөн хоногийн дотор 120 гаруй сая хүн үзсэн байна. Энэхүү клип нь тус сайтад дөрөвдүгээр сарын 13-ны өдөр нийтлэгдсэн бөгөөд олон нийтийн хүртээл болсон анхны өдөртөө хамгийн олон үзэгчтэй болсон дээд амжилтыг эвдээд байгаа ажээ.дуучны гаргасан энэхүү шинэ синглийг YouTube-д тавигдсан эхний 24 цагийн дотор 20 сая гаруй хүн үзэж байсан юм.

Түүний өмнө, сайтад тавигдсан эхний өдрөө хамгийн олон үзэгчтэй болсноороо Жастин Биберийн "Beauty”, "Beat” дуунууд дээд амжилт тогтоож байсан. Дээрх хоёр дуу нь эхний өдөртөө л тус бүр 8 сая, 10.6 сая үзэгчтэй болж байсан билээ. Psy-ийн анхны хит дуу "Gangnam Style”-ын видео клип YouTube цахим хуудсанд өнгөрөгч оны долдугаар сард тавигдсанаасаа хойш нийт 1.6 тэрбум үзэгчийг байлдан дагуулж, хамгийн олон үзэгчтэй клипээр шалгарч байсан юм.

Êàòåãîðèÿ: Мэдээ мэдээлэл | Äîáàâèë: GoKpop (2013-04-17) Ïðîñìîòðîâ: 698 | Ðåéòèíã: 3.5/2