Солонгосын хамгийн өндөр үнэтэй хөтлөгчийн нэг Ким Юнг Ман интернэтээр дамжуулан их хэмжээний мөнгөөр мөрийтэй тоглосон хэргээр өнгөрсөн 2  сард цагдаагийн газар саатуулагдсан билээ.

Тэрээр 2008 оны 1 сараас эхлэн 2011 оны 5 сар хүртэлх хугацаанд нийтдээ 1 тэрбум 300 сая воноор интернэт мөрийтэй тоглоом тоглож , ихэнх мөнгөө алдсан бөгөөд түүний тоглож байсан интернэт сайт  зөвхөн  их мөнгөтэй хүмүүст зориулсан ,нэг удаа тоглохдоо 10 -аас дээш сая вон тавьж тоглодог  хууль бус сайт байсан байна.

Өөрийн менежерийн хамт анх тоглож эхэлсэн ч ганцаараа мөрийтэй тоглоомд хэт автсан хөтлөгч   Kim Yong Man,  уг тоглоомоос гарч чадаагүй байсан үедээ хамгийн олон үзэгчтэй байсан телевизийн нэвтрүүлгүүдийг хөтөлж байсан бөгөөд  хэдийгээр мөрийтэй тоглоом тоглохоо болиод 2 жил болж байсан ч  өнөөдөр Сөүл хотын Төв шүүхээс түүнд  1 жил хоригдох ял оноолоо.

Хөтлөгч  Kim Yong Man бүх буруугаа хүлээж  түүнд итгэж байсан олон телевиз үзэгчид болон гэр бүлийнхнийгээ хууран мэхэлж байсандаа уучлалт гуйж , нийгмийн өмнө хүлээсэн хариуцлагаа ухамсарласан хүн болон эргэж ирнэ гэсэн байна.

Êàòåãîðèÿ: Мэдээ мэдээлэл | Äîáàâèë: GoKpop (2013-05-07) Ïðîñìîòðîâ: 792 | Ðåéòèíã: 1.0/1