Дэлхийн хөгжмийн ертөнцийн нөлөө бүхий сэтгүүл "Billboard” энэ оны шилдэнг уран бүтээлч, шилдэг дууг тодруулах "Billboard music awards”-т нэр дэвшсэн шилдэг уран бүтээлчдийг нэрлэлээ. "We are young” дуугаараа тэсрэлт хийсэн "Fun” хамтлаг болон энэ жилийн хамгийн их борлуулалттай цомгийн эзэн Тайлор Свифт нар 11 төрөлд нэр дэвшсэн бол олон олон дараалсан хит уран бүтээлүүдийг гаргасан халуухан дуучин бүсгүй Рианна 10 төрөлд өрсөлдөх юм байна. Харин "Gangnam Style” дуугаараа дэлхий нийтийг байлдан дагуулж Гиннесийн номонд хүртэл нэрээ мөнхлөөд амжсан дуучин PSY энэ удаа гурван төрөлд нэр дэвшсэн байна. Түүний "Gangnam Style” дуу нь шилдэг реп дууны төрөлд өрсөлдөж байгаа бол дуучин энэ оны шилдэг реп дуучин, шилдэг уран бүтээлч гэсэн төрөлд өрсөлдөх аж. "Billboard music awards”-ийн шагналтнууд ирэх сарын 19 нд тодорно.


Êàòåãîðèÿ: Мэдээ мэдээлэл | Äîáàâèë: GoKpop (2013-05-06) Ïðîñìîòðîâ: 738 | Êîììåíòàðèè: 1 | Ðåéòèíã: 0.0/0