Жүжигчин Lee Byung Hun дэлхийд ид гялалзаж байгаа ази залуу. Хайр сэтгэл хийгээд карьерийн хувьд тэр эцсийн шатандаа хүрээгүй нэгэн. 2008 оноос Холливудад хөл тавьсан ч өөрийгөө энэ ертөнцийн хүн биш хэмээн тодорхойлох дуртай. Өнгөрсөн сарын сүүлээр түүний тоглосон Холливудад бүтээсэн G.I.Joe 2 кино олны хүртээл болон Монголын кино театруудаар ч гарч байгаа юм.

Холливудын алдарт од Брюс Уиллис,  Кэтрин Зета Жонс, Энтони Хопкинс, Хелен Миррен нартай хамтран тоглосон  "Рэд2” кино нь наймдугаар сард нээлтээ хийнэ. Ингээд түүний тухай зарим мэдээллийг хүргэе.

"Кино бүрэлдэхүүнээ анх харчихаад би яг л шүтэн бишрэгчийн хувиар гайхан алмайрсан. Би энэ хүмүүстэй зурагаа авхуулах ёстой шүү гэдэг бодол л толгойд эргэлдэж байлаа” хэмээн  Lee Byung Hun ярьсан байгаа юм. Тэгвэл Брюс тэдний ертөнцөд нэвтэрч орж ирсэн солонгос эрд их л хүндэтгэлтэйгээр хандаж байсан гэнэ. Тэрээр уулзах бүртээ халуун дотноор гарыг нь барьж, солонгос үндэстэн шиг бөхөлзөн мэндчилж байжээ. Мөн түүнтэй хамт солонгос хоол дуртайяа идэж, кино ертөнц Холливудын талаар ярилцаж байсан аж. Lee Byung Hun "Миний эцсийн зорилго Холливуд биш. Би сониуч зангаараа л энэ айлын хаалгыг тогшиж, өрөөсөн хөлөө оруулчихлаа. Би энд өөрийгөө хөндлөнгийн хүн гэдгийг мэдэрч байна. Миний хувьд солонгос кинонууд маань хамгийн эрч хүчтэй бас хамгийн хөгжилтэй хэвээрээ байгаа шүү” хэмээн ярьжээ.

Бидний мэдэхээр түүнийг бид " Амьдралын ээдрээ” киноны Ким Ин Ха гэдэг дүрээр сайн танина.  Өнгөрсөн жилийн дөрөвдүгээр сараас тэрээр жүжигчин Lee Min Jung хэмээх жүжигчин бүсгүйтэй дотноссон. Анх 2006 онд тэд танилцсан ч Lee Byung Hun дөнгөж кино ертөнцөд орж ирж байгаа бүсгүйн цаашдын амжилтанд нөлөөлөхийг хүсээгүй аж. Өөрөө ч маш олон кинон дээр ажиллаж байсан учраас бүсгүй хүнтэй холбогдохыг хүсээгүй жилүүд байжээ. Гэвч зургаан жилийн дараа тэд учирсан байна. "Бидэнд ижил төстэй зүйл олон бий. Бид өдөр бүр эцэс төгсгөлгүй ярилцаж чаддаг. Ярилцах сэдэв үргэлж олддог юм. Хэдийгээр насны зөрүү ихтэй ч тэр миний насныхантай учраа олохдоо сайн шүү” хэмээн Lee Byung Hun найз бүсгүйгээ магтжээ. Lee Min Jung Монгол НD телевизээр орой бүр гарч байгаа "Үнэн” киноны гол дүрд тоглож байгаа билээ.

Êàòåãîðèÿ: Мэдээ мэдээлэл | Äîáàâèë: GoKpop (2013-04-24) Ïðîñìîòðîâ: 1136 | Ðåéòèíã: 5.0/2